Sualınız var?
Həftənin 5 günü saat 09:00-dan 18:00-a kimi bizimlə əlaqə saxlamaqdan çəkinməyin.
7-ci ay (3-cü rüb)
Hamiləliyin 31-ci həftəsində körpənizin böyüməsi bir qədər yavaşlasa da, gözlərinin rənginin formalaşmağa başlaması ilə inkişafı davam edir. C vitamini dəmirin sorulmasında vacib rol oynayır, dəmir isə onun koqnitiv inkişafını dəstəkləməyə davam edir.
31-ci həftədə körpənizin inkişafı
Hamiləliyin 31-ci həftəsində körpənizin boyu başından buduna qədər təxminən 28 sm, çəkisi isə təxminən 1500 qram olsa da, böyüməsi bir qədər yavaşlamağa başlayır.1 Amma uşaqlıq boşluğunuzdakı mayenin miqdarı artır. Körpəniz doğulana qədər bu amniotik mayeni sormağa, udmağa və sidik olaraq xaric etməyə davam edəcək.3
Körpənizin gözlərinin rəngi təxminən 31-ci həftə ərəfəsində inkişaf edir. Qafqaz ölkələrində körpələrin çoxu göy rəngli gözlərlə doğulsalar da, dəyişəcəyi halda onların əsl rənglərinin ortaya çıxması bir neçə ay çəkə bilər.
Körpənizin gözləri hansı rəngdə olsa da, onlar artıq işığa reaksiya verir, göz bəbəkləri isə genişlənə bilir. Körpənizin istədiyi vaxt gözünü açıb-yummasına imkan verən göz qapaqları yaxşı inkişaf edib.1 Doğuş ərəfəsində körpənizin gözləri barədə daha ətraflı oxuyun.
Böyük ehtimalla, körpənizin gözlərinin rəngi genetik olaraq müəyyən edilir. Hamiləlik dövründə və ya körpəniz doğulduqdan sonra etdiyiniz, yediyiniz heç bir şey onu dəyişdirə bilməz. Siz və həyat yoldaşınız eyni göz rənginə maliksinizsə, böyük ehtimalla, körpənizin gözləri də həmin rəngdə olacaq, amma bu, mütləq deyil. Valideynlərinizin genləri də daxil olmaqla ailə geniniz qarışa bilər və bir çox fərqli nəticələr ortaya çıxa bilər.
Dünya üzrə 700.000-dən çox gələcək ana və yeni valideynlərə qoşulun.
Körpəniz bütün yeni koqnitiv funksiyaları ilə birlikdə böyüdükcə pəhriziniz onu kifayət miqdarda dəmirlə, eyni zamanda bitki əsaslı mənbələrdən (qeyri-hem mənbələr) dəmirin sorulmasına kömək edən C vitamini ilə təmin etdiyindən əmin olmaq çox vacibdir. C vitamini hüceyrələri qoruduğuna görə və qığırdaq, vətər, sümüklər və dərini4 formalaşdıran kollagenin hazırlanmasına kömək etdiyi üçün hamiləlik pəhrizinizin vacib hissəsidir.
Bu səbəbdən də C vitaminini dəmirlə zəngin qidalar ilə birlikdə və ya ondan sonra qəbul etmək faydalıdır. Məsələn, tərəvəz qızartması, sobada bişmiş qızılbalıq və ya brokolli, yaxud da kivi və bir qədər keşyu qozu ilə bir stəkan portağal şirəsi.
C vitamini və dəmir təbii olaraq bir çox qidalarda mövcuddur, buna görə də pəhriziniz üçün düzgün balans qurmaq çətin olmamalıdır. Hamiləlik dövründə tövsiyə olunan gündəlik C vitamini miqdarı 40 mq-dır, 3-cü rübdə isə buna 10 mq əlavə olunur.6
1. Deans A. Your New Pregnancy Bible, The experts’ guide to pregnancy and early parenthood. 4th ed. London: Carroll & Brown Publishers Limited, 2013. p. 46.
2. NHS UK. What is the amniotic sac? [Online]. 2015. Available at: www.nhs.uk/chq/Pages/2310.aspx?CategoryID=54 [Accessed August 2016].
3. NHS UK. You and your baby at 29-32 weeks pregnant [Online]. 2015. Available at: www.nhs.uk/conditions/pregnancy-and-baby/pages/pregnancy-weeks-29-30-31-32.aspx [Accessed August 2016].
4. Commission Regulation (EU) No 432/2012 of 16 May 2012 establishing a list of permitted health claims made on foods, other than those referring to the reduction of disease risk and to children’s development and health. OJ L 136, 25.5.2012, pp. 1–40.
5. Commission Regulation (EU) No 957/2010 of 22 October 2010 on the authorisation and refusal of authorisation of certain health claims made on foods and referring to the reduction of disease risk and to children’s development and health. OJ L 279, 23.10.2010, pp. 13–17.
6. NHS. Minerals and trace elements [Online]. 2009. https://www.nhs.uk/pregnancy/keeping-well/vitamins-supplements-and-nutrition/ [Accessed March 2021].
Son baxış: 8 avqust 2016
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
Həftənin 5 günü saat 09:00-dan 18:00-a kimi bizimlə əlaqə saxlamaqdan çəkinməyin.
Zəhmət olmasa, əvvəlcə bu vacib xəbərdarlığı oxuyun
“Davam” düyməsini sıxmaqla Nutrilon uşaq südləri və digər məhsullarla bağlı məlumatları görə biləcəksiniz. Davam etməyi seçdikdə NutriciaClub-ın məlumatları sizə informasiya məqsədli şəxsi tələbiniz əsasında təqdim etdiyi ilə razılaşırsınız. Zəhmət olmasa, uşağınızı südlərlə qidalandırma və ana südündən qatı qidalara keçirməklə bağlı məlumatlı seçim etmək üçün tibb mütəxəssisi ilə məsləhətləşin.
Ana südü ilə qidalanma körpələr üçün ən xeyirlisidir və körpələrə çoxsaylı faydası var. Əmizdirməyə hazırlaşarkən və ya əmizdirmə dövründə sağlam qidalanmaq və balanslaşdırılmış pəhriz çox vacibdir. Körpənin həyatının ilk həftələrində qarışıq qidalanması və butulka ilə qidalanması ana südü ehtiyatlarının azalmasına gətirib çıxara bilər və imtinadan sonra ana südü ilə qidalanmaya qayıtmaq çətin ola bilər. Uşaq südünün istifadəsi zamanı sosial və maddi nəticələrin olmasını nəzərə almaq lazımdır.
Uşaq südünün, digər qida məhsullarının və ya qidalanma metodlarının yanlış istifadəsi sağlamlıq üçün təhlükəli ola bilər. Sağlamlığa ziyan verməmək üçün uşaq qidalarının hazırlanması və yedizdirilməsi təlimatlarına ciddi əməl etmək lazımdır.