Yumurta paşotu ilə qarğıdalı və kabak oladisi

• 1 ədəd orta ölçüdə kabak
• 150 q konservləşdirilmiş şirin qarğıdalı (suyu çəkilmiş)
• 6 yumurta (4-ü paşot üçün)
• 50 q un
• 20 q yaşıl soğan
• 1/2 çay qaşığı çili
• 1/2 çay qaşığı qırmızı bibər
• 1/4 çay qaşığı duz
• 1/4 çay qaşığı qara bibər
• 1 çay qaşığı zeytun yağı
• 1 limon
• 120 ml az yağlı təzə qaymaq (krem freş)
• 1 yemək qaşığı keşniş
• 2 yemək qaşığı incə doğranmış mala soğanı
• Hər adama 1 kiçik salat-qarnir

Reseptin tərkibindəki allergenlər: yumurta, süd, qlüten (unda). Qida dəyəri barədə bütün məlumatlar bir porsiyaya əsaslanır.

* Kabak: Tərkibindəki C vitamini hüceyrələrinizi qorumağa və onların sağlam qalmasına kömək edir²

* Şirin qarğıdalı: Sizdəki hormonal dəyişiklər səbəbindən yaranan qəbizliyin qarşısını almağa kömək edən lifli maddələri təmin edir³

* Yumurta: Tərkibində körpənizin böyüməsi üçün təməl daşları təmin edən protein var.⁴ Yumurtanın qabığında kodun olmasına diqqət edin, bu yumurtaları hamilə qadınlar çiy və ya qismən bişmiş halda da yeyə bilərlər⁵

* Duz: Orqanizmdəki mayeni nizamlamağa və saxlamağa kömək edə bilər,⁶ amma qədərindən artığı zərərli ola bilər. Buna görə də gizli mənbələrə diqqət edin və qəbulunu mümkün qədər məhdudlaşdırmağa çalışın

1. Kabakın uclarını kəsin, özünü sürtgəcdən keçirin, suyunu tam sıxıb bir kasaya qoyun.
2. Yaşıl soğanı doğrayın, şirin qarğıdalı, 2 yumurta, un, çili, qırmızı bibər, keşniş, yarım limonun suyu və ədviyyatla birlikdə bir kasaya tökün. Yaxşıca qarışdırın.
3. Zeytun yağını bir tavada qızdırın, sonra oladini hazırlamaq üçün bir qaşıq xəmiri tökün. Oladinin qalınlığının bərabər olması üçün qaşığın arxası ilə düzləşdirin və hər iki tərəfini bir və ya yarım dəqiqə, qızılı qəhvəyi rəng alana qədər qızardın.
4. Oladini mətbəx şpateli ilə götürün və bir kənara qoyun.
5. Balaca bir kasada krem freş, yarım limonun suyu və doğranmış mala soğanını qarışdırın. Bir kənara qoyun.
6. Yumurta paşotu üçün orta odda iri bir qazanda su qızdırın.
7. Kiçik qabarcıqlar yaranana qədər isidin. Yumurtanı balaca bir kasaya qırın, sonra yüngül burulğan yaratmaq üçün suyu qarışdırın və yumurtanı ehmalca tökün. Ağ rəng alana qədər 3-4 dəqiqə bişirin, sonra kəfkir qaşıq ilə götürün və quruması üçün mətbəx kağınızın üstünə qoyun.
8. Servis etmək üçün oladiləri bir yerə toplayın, üzərində bir yemək qaşığı krem freş, yumurta paşotu qoyun, doğranmış mala soğanı səpin və istəsəniz, yanına salat-qarnir qoyun.