Sualınız var?
Həftənin 5 günü saat 09:00-dan 18:00-a kimi bizimlə əlaqə saxlamaqdan çəkinməyin.
Xülasə
Sizin yeni doğulmuş, gözəl körpəniz süngər kimidir, hər yeni təcrübəni özünə çəkir, hər gün öyrənir və inkişaf edir. Buna görə də körpə olsa da, hər gün onunla oynamaq üçün vaxt ayırmaq yaxşı fikirdir. Bağlılıq yaratmağınıza kömək edəcək və valideyn olmağın sadəcə uşaq bezləri və yuxusuz gecələrdən ibarət olmadığını, sevgi və əyləncə ilə dolu həyat olduğunu xatırladacaq.
Parlaq gələcək buradan başlayır
Körpənizin gələcəyinin formalaşmasına kömək etmək üçün onun inkişafı barədə daha çox öyrənin
Yeni doğulmuş körpənin “oyuncaqları”
Zaman keçdikcə o, yumşaq oyuncaqlarını sevəcək qədər böyüyəcək, bu günlərdə isə onun sevimli “oyuncağı” sizsiniz. Araşdırmalar göstərir ki, körpələr üzlərə digər vizual elementlərdən daha çox reaksiya verirlər. Körpəniz ilk aylarda sizin üz ifadələrinizi yamsılmağa çalışa bilər; ona dilinizi çıxarın və nə baş verdiyinə baxın! Körpənizlə danışmaq, ona mahnı oxumaq və gülümsəmək emosional bağlılığı və ünsiyyət bacarıqlarını inkişaf etdirməyin sadə yollarıdır.1
Fiziki təmas körpənizə ətrafındakı dünyanı kəşf etməsi üçün əyləncəli bir imkan yaradır. Əllərini və ayaqlarını ehmalca hərəkət etdirin və rahatlaşması üçün onu masaj edin. Körpəniz toxunuşunuzu sevir, buna görə də onu qucağınıza alıb ehmalca yelləmək aranızdakı emosional bağlılığı gücləndirməyə kömək edəcək, xüsusən də bunu dəri təması ilə edirsinizsə.
Körpəniz ilk aylarda sizin üz ifadələrinizi yamsılamağa çalışa bilər; ona dilinizi çıxarın və nə baş verdiyinə baxın!
Sensor oyun
Görmə
Doğularkən körpəniz sadəcə 20-25 sm məsafəni görə bilir, bu da onu əmizdirərkən sizi görməsi üçün kifayətdir. Onların görmə qabiliyyəti təəccüblü dərəcədə ləng inkişaf edir. Üç ayına qədər körpələr obyektləri gözləri ilə izləyə bilirlər, inanılmaz olsa da, gəngli görmə qabiliyyəti beş ayına qədər tam formalaşmaya bilər. Körpələri stimullaşdırmaq üçün hazırlanan kitablar və oyuncaqlar alın, onların məzmunu yüksək rəng ziddiyyətli ağ-qara şəkillərdən ibarət olur.
Səs
Körpənizə mahnı oxumaq heç vaxt tez deyil. Əyləncəli, bir qədər yüksək səslə mahnı oxuyurmuş kimi danışmaq və ya oxumaq instinktiv olaraq valideynlərin çoxunda müşahidə olunur. Bildiyimiz məşhur laylalar, oxşamalar uzun illərdir ki, yatızdırmaq və əyləndirmək üçün istifadə olunub, ən tezi yeddi ayına qədər müəyyən “sözləri” eşitməsəniz belə, bunlar erkən dil bacarıqlarının təməlini qoyur. Körpənizlə danışmaq onun ünsiyyət bacarıqları üçün də faydalıdır və ona nağıl oxumaqdan zövq ala bilərsiniz. Körpəniz hələ doğulmamışdan əvvəl eşitdiyi səsinizi tanıdığı üçün bu, rahatlaşdırıcı təsirə malik olacaq.
Təmas
Körpə masajı, ehmalca qıdıqlamaq kimi dəri təması da bağlılıq qurmaq üçün idealdır. Əl və ayaq barmaqlarının iştirakı ilə oyunlar körpənizin fərqli təzyiq dərəcələrini bilməsinin inkişafına kömək edir. Körpənizi fərqli növdə və teksturada olan yumşaq parçalarla zərif oxşamaq, qarnına üfürmək və hamamda köpüklü oyunlar oynamaq oyun vasitəsilə toxunma hissini öyrənməsi üçün imkanlardır.
Körpəniz üçün sensor oyuncaqlar
- Çarpayısında və ya bez dəyişdirmə masasının üstündən mobil oyuncaqlar asmaq saatlarla davam edən əyləncəni təmin edər
- Oyun xalçası körpənizin oyun oynamasının təhlükəsiz üsuludur və onun inkişafını təşviq edən müxtəlif görüntü, səs və materiallar təqdim edir
- Əl oyuncaqları, yumşaq oyuncaqlar, diş çıxarmaq üçün halqalar və parça kitablar inkişafı stimullaşdırmaq üçün taktiki üsullardır
- Yatmamışdan əvvəl körpənizdə hədsiz oyanıqlıq yaratmamaq üçün oyunlara gündüz saatlarında vaxt ayırın
NÖVBƏTİ ADDIMLAR
- Birlikdə keyfiyyətli vaxt keçirmək və əylənmək üçün körpənizin oyaq və ayıq olduğu saatı seçin. Yeni doğulmuş körpələr asanlıqla yorulur, odur ki, ilk günlərdə 10 dəqiqə oyun da kifayət edə bilər.
- Körpə masajı dərsləri və ana ilə yeni doğulmuş körpə arasında bağlılıq yaratmaq üçün nəzərdə tutulan “körpə yoqası” kimi aktivlikləri nəzərdən keçirin, bu, digər analarla tanış olmaq üçün də vasitə ola bilər.
- Yaşadığınız ərazidə körpə hovuzu olan əyləncə mərkəzi varsa, körpənizi ora üzməyə aparmağa cəhd edin. Çox soyuq olmadığı halda körpələrin əksəriyyəti bunu xoşlayırlar. Üzməyə getmələri üçün körpələrin vaksinasiya olmalarına ehtiyac yoxdur.
- Oyun saatı mürəkkəb olmalı deyil, hərəkət edərkən onunla ünsiyyət quracağınız halda parkın ətrafında gəzişmək və ya mağazaları dolaşmaq bu yaşdakı körpələr üçün heyrətləndiricidir.
- Həyat yoldaşınızı oyun saatına cəlb edin, bu onun üçün də bağlılıq yaratmaq şansıdır.
- Meltzoff AN, Moore KM. Imitation of facial and manual gestures by human neonates. Science 1977;198(4312):75-8.
- AOA. Infant vision: Birth to 24 months of age [Online]. Available at: https://www.aoa.org/patients-and-public/good-vision-throughout-life/childrens-vision/infant-vision-birth-to-24-months-of-age?sso=y [Accessed: January 2017].
Son baxış: 9 dekabr 2016
Körpənizin gələcək sağlamlığı buradan başlayır
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
Əlaqədar məqalələr:
